Ба чорабиниҳои бахшида ба Рӯзи байналмилалии дастгирии қурбониёни шиканҷа даъват менамоем

Эътилофи ҷомеаи шаҳрвандии зидди шиканҷа ва беҷазоӣ дар Тоҷикистон ҳамаи дӯстон, шарикон, намояндагони ташкилотҳои байналмилалӣ ва ВАО-ро ба чорабиниҳои бахшида ба 26-уми июн - Рӯзи байналмилалии дастгирии қурбониёни шиканҷа даъват мекунад.

Аксияҳо дар ду шаҳри кишвар гузаронида мешаванд:

Душанбе, 26-уми июн, аз сотаи 10:00 то 12:00, маҷмааи МД «Душанбе-Плаза». Намоишгоҳи корҳои бадеии (графикӣ) рассоми фаъол Фаррух Неъматзода, ки дар он мавзуи зӯроварӣ дар шакли бадеӣ, бо ҷузъҳои иҷроиши омехтаи санъати визуалӣ, мусиқӣ ва нутқ кушода дода мешавад. Иҷроиши омехта (перфоманс), ки вақтҳои охир дар бисёр кишварҳои ҷаҳон ба таври васеъ паҳн гардидааст, муқобили дилхоҳ намуди зӯроварӣ, аз ҷумла шиканҷа равона хоҳад шуд. Чорабиниҳои номбурда таҳти куратории арт менеҷер Лолисанам Улуғова, баргузор мегардад.

Хуҷанд, 22-юми июн, аз соати 10:00 то 12:00, хиёбони Исмоили Сомонӣ, 183а (наздикии Кохи Рӯдакӣ).Намоишгоҳи анъанавии аксҳо аз ҷониби Эътилоф, ки ба хотираи 27 нафар қурбониёни шиканҷа ва муносибати бераҳмона дар кишвар                                                                                                                                                бахшида шудааст.

Вуруд ба чорабиниҳо озод аст.

Бо ҳузури худ метавонед бетафовут набуданатонро нисбати озодӣ аз шиканҷа ва муносибати бераҳмона тасдиқ намоед.

Бо эҳтиром,

Эътилофи ҷомеаи шаҳрвандӣ зидди шиканҷа ва беҷазоӣ

 

*Пардохти роҳкиро, рузмара ва меҳмонхона барои иштирокчиҳо пешбинӣ намешаванд!

NoTorture.Tj