Чӣ бояд кард, агар кормандони милитсия қувваи ҷисмонӣ истифода баранд ё шуморо бо калтаки резинӣ бизананд?

05.12.2024 - 09:42

Ҳуқуқдон бошед!

Дар бахши “Саволу ҷавоб” ҳуқуқшиносони Эътилофи ҷомеаи шаҳрвандӣ зидди шиканҷа ва беҷазоӣ ба саволҳои хонандагон посух медиҳанд.

САВОЛ: Чӣ бояд кард, агар кормандони милитсия қувваи ҷисмонӣ истифода баранд ё шуморо бо калтаки резинӣ бизананд?

ПОСУХ: Муқобилият метавонад боиси фишори боз ҳам бештар гардад. Кӯшиш кунед, ки ором бошед ва бо кормандони милитсия баҳс накунед. Агар имконпазир бошад, кӯшиш намоед, ки ҷузъиёти ҳодисаро дар хотир нигоҳ доред: номи кормандон, рақамҳои нишони онҳо, вақт ва макони ҳодиса. Ҳамин ки бароятон имконият фароҳам омад, дар бораи воқеаи рӯйдода ба наздикон ё дӯстонатон хабар диҳед. Ин метавонад дар тафтишоти минбаъда кумак расонад. Агар шумо ҷароҳат бардоштед, фавран барои дарёфти ёрии тиббӣ муроҷиат намоед. Хулосаи тиббӣ метавонад дар оянда далели муҳим гардад. Шумо ҳақ доред нисбати амали кормандони милитсия ба прокуратура ё шуъбаи амнияти дохилии милитсия шикоят кунед. Муҳим аст, ки ин корро ҳарчи зудтар пас аз ҳодиса анҷом диҳед. Барои дарёфти ёрии ҳуқуқӣ муроҷиат намоед.

Дар сурати поймол шудани ҳуқуқҳоятон шумо метавонед ба мақомоти дахлдор шикоят кунед ё барои ҳимояи ҳуқуқҳои худ баҳри дарёфти ёрии ҳуқуқӣ муроҷиат намоед.

Эътилофи ҷомеаи шаҳрвандӣ зидди шиканҷа ва беҷазоӣ дар Тоҷикистон кумаки ройгони ҳуқуқӣ ва офиятбахшӣ (тиббӣ ва равонию иҷтимоӣ) пешниҳод мекунад.

Сомонаи мо: https://notorturetj.org/

Почтаи электронӣ: notorture.tj@gmail.com

Агар шумо ё хешовандони шумо мавриди шиканҷа ва муносибати бераҳмона қарор гирифта бошед, ба WhatsApp ё Telegram занг занед ё нависед:

+992 98 787 66 66 дар вилояти Хатлон

+992 98 787 33 33 дар вилояти Суғд

+992 98 708 76 76 дар ш. Душанбе ва НТМ

Ба идораҳои мо муроҷиат кунед:

ш. Душанбе, хиёбони Рӯдакӣ 137, бинои Тоҷикматлубот

ш. Хуҷанд, хиёбони Сомонӣ 42, утоқи 117

Моро дар шабакаҳои иҷтимоӣ пайравӣ намоед, то аз иттилоот бохабар бошед!

Facebook: https://www.facebook.com/notorturetj

Twitter: https://twitter.com/NoTorturetj

Youtube:   https://www.youtube.com/channel/UCn3sZx0776E1Qcbvz4WAE7g

Телеграм: https://t.me/Notorturetjk

Инстаграм: Notorturetj

NotortureTj