Муколама давлат ва ҷомеаи шаҳрвандӣ оид ба ҳуқуқи инсон дар Тоҷикистон

Душанбе, 18 октябр – Дар пойтахти Тоҷикистон муколамаи байни мақомотҳои давлатӣ ва ҷомеаи шаҳрвандӣ оид ба масъалаҳои ҳимоя ва пешбурди ҳуқуқи инсон баргузор мегардад. Чорабинӣ аз ҷониби Ташкилоти ҷамъиятии “Дунёи ҳуқуқ” ва Фонди Ҳалландӣ “Perspectivity challenge”, бо дастгирии молиявии Иттиҳоди Аврупо ва Фонди Канада барои ташаббусҳои маҳаллӣ (CFLI), дар доираи лоиҳаҳои дахлдори ҳимояи ҳуқуқ, ташкил карда шудааст.

Чорабинии мазкур дар ҳамкорӣ бо Дастгоҳи иҷроияи Президенти Тоҷикистон, Ваколатдор оид ба ҳуқуқи инсон (Омбудсмени Тоҷикистон) ва Идораи минтақавии Раёсати Комиссари Олии ҳуқуқи инсон дар Осиёи Марказӣ баргузор мешавад. Дар чорабинӣ намояндагони сохторҳои калидии давлатӣ, созмонҳои миллии ҷомеаи шаҳрвандӣ, коршиносони байналмилалӣ ва шарикон, аз ҷумла намояндагони СММ ва Иттиҳоди Аврупо ширкат мекунанд.

Ҳадаф аз баргузории чорабинӣ фароҳам овардани як платформаи ҳамкории созанда оид ба масъалаҳои асосии ҳуқуқи инсон, аз қабили пешгирии шиканҷа, ҳифзи ҳуқуқҳои гурӯҳҳои осебпазир ва риояи меъёрҳои байналмилалӣ мебошад. Дар назар аст, ки муколама дар беҳбуди вазъи ҳуқуқи инсон дар Тоҷикистон саҳми устувор гузорад.

Барои гирифтани маълумоти муфассал, лутфан бо Анел Тлеукеш, Менеҷер оид ба робита, тавассути почтаи электронӣ communications.manager.pr@worldlawtj.org  тамос гиред.