Эмомалӣ Раҳмон ба СММ пешниҳод намуд, ки Соли байналмилалии маърифати ҳуқуқӣ эълон карда шавад

26.09.2025 - 12:10

Президенти Тоҷикистон Эмомалӣ Раҳмон ба Ассамблеяи генералии СММ пешниҳод кард, ки имконияти эълони Соли байналмилалии маърифати ҳуқуқиро баррасӣ намояд,- хабар медиҳад дафтари матбуоти Роҳбари давлат.

Сарвари давлат зимни суханронӣ дар мубоҳисаҳои иҷлосияи 80-уми Ассамблеяи генералии СММ зикр намуд, ки имрӯз ҷомеаи ҷаҳонӣ шоҳиди беэътиноӣ ва нақзи меъёрҳои ҳуқуқи байналмилалӣ - пояи низом, сулҳу субот дар ҷаҳон аст.

"Мо зарурати риояи қатъии қавонини байналмилалӣ ва ҳалли ҳама моҷарову ихтилофотро дар чаҳорчӯбаи қонун таъкид мекунем",- гуфт Эмомалӣ Раҳмон.

Президенти Тоҷикистон аз тамоми кишварҳои узв даъват ба амал овард, ки ба ин иқдом ҳамроҳ шаванд ва фарҳанги ҷаҳонии шаффофият ва адолатро тақвият бахшанд.

 

 

 

Your.tj
  • Войдите, чтобы оставлять комментарии
  • 11 просмотров
  • рус