Ҳуқуқ ба озодӣ аз шиканҷа ва муносибати бераҳмона

19.11.2025 - 12:10

Ҳуқуқдон бошед!

Дар бахши “Саволу ҷавоб” ҳуқуқшиносони Эътилофи ҷомеаи шаҳрвандӣ зидди шиканҷа ва беҷазоӣ ба саволҳои хонандагон посух медиҳанд.

САВОЛ: Дар кадом қонун ҳуқуқ ба озодӣ аз шиканҷа ва муносибати бераҳмона пешбинӣ шудааст?

ПОСУХ: Ҳуқуқ ба ҳимоя аз шиканҷа ва муносибати бераҳмона дар якчанд санадҳои меъёрии Тоҷикистон муқаррар карда шудааст:

Конститутсияи Ҷумҳурии Тоҷикистон - моддаи 18: «Ҳеҷ кас набояд мавриди шиканҷа, бераҳмӣ ва муносибати ғайриинсонӣ қарор гирад». Ин меъёр кафолати умумии ҳуқуқи инсон маҳсуб меёбад, ки ба ҳамаи шахсон дахл дорад.

Кодекси ҷиноятии ҶТ - моддаҳоеро дар бар мегирад, ки барои шиканҷа ва муносибати бераҳмона ҷавобгарии ҷиноятӣ пешбинӣ мекунанд.

Кодекси мурофиавии ҷиноятии ҶТ - тартиби ҳуқуқии ҳимояи гумонбаршудагон, айбдоршавандагон ва маҳкумшудагонро аз зӯроварии ғайриқонунии шахсони мансабдор таъмин мекунад.

Созишномаҳои байналмилалии аз ҷониби Тоҷикистон тасдиқшуда, аз ҷумла Конвенсияи зидди шиканҷа ва дигар намудҳои муносибати бераҳмона, ғайриинсонӣ ё пастзанандаи шаъну шараф ва ҷазо, дар дохили кишвар низ эътибор доранд.

Сомонаи мо: https://notorturetj.org/

Почтаи электронӣ: notorture.tj@gmail.com

Агар шумо ё хешовандони шумо мавриди шиканҷа ва муносибати бераҳмона қарор гирифта бошед, ба WhatsApp ё Telegram занг занед ё нависед:

+992 98 787 66 66 дар вилояти Хатлон

+992 98 787 33 33 дар вилояти Суғд

+992 98 708 76 76 дар ш. Душанбе ва НТМ

Ба идораҳои мо муроҷиат кунед:

ш. Душанбе, хиёбони Рӯдакӣ 137, бинои Тоҷикматлубот

ш. Хуҷанд, хиёбони Сомонӣ 42, утоқи 117

Моро дар шабакаҳои иҷтимоӣ пайравӣ намоед, то аз иттилоот бохабар бошед!

Facebook: https://www.facebook.com/notorturetj

Twitter: https://twitter.com/NoTorturetj